Синус Дочи ХХК

Тус компани нь хөргөлт агааржуулалтын салбарт 1993 оноос эхлэн Цахилал нэртэйгээр үйл ажиллагаагаа явуулж эхэлсэн бөгөөд 1998 оноос Синус-Дочи компани болон өргөжиж өнөөдрийн байдлаар Монгол улсын өнцөг булан бүрт үйлчилгээгээ хүргэн үйл ажиллагаагаа явуулж байна. Тус компани нь дунд болон их оврын барилгын агааржуулалтын систем, ахуйн болон төвлөрсөн эйр кондиционерийн систем, хүнсний болон тусгай зориулалтын хөргөлтийн систем, бага болон дунд оврын барилгын халаалтын систем үүнтэй холбогдох бүх төрлийн тоног төхөөрөмжийг нийлүүлж угсарч түүний сэлбэг материалыг жижиглэн болон бөөний худалдаагаар худалдаалах зэрэг үйл ажиллагааг эрхэлдэг. Компани нь өөрийн орны онцлог ба зах зээлд тохирсон дэвшилтэд технологи бүхий тоног төхөөрөмж, сэлбэг материалыг нэвтрүүлэхийг өөрийн зорилго болгодог.

Манай компанийн үйл ажиллагааны үндсэн чиглэл нь:

Хөргөлт

Хөлдөөх, гүн хөргөлтийн төрөл бүрийн эзэлхүүн болон чсщалтай камер хөргөгч мөн авто машины хөргөгч.

Халаагуур

FRICO, MEINAO, ТОҮОТОМI фирмийн төрөл бүрийн хүчин чадал загвартай цахилгаан болон газ түлшин халаагуур, дулааны хөшиг.

Эйр кондиционер

SANYO, LG, MITSUBISHI, MIDEA фирмийн төрөл бүрийн загвар хүчин чадалтай өрөө, заал, авто машины эйр кондиционер. Мөн төвлөрсөн системийн эйр кондиционер.

Агааржуулагч

Итали улсын технологиор хийгдсэн агааржуулалтын хоолой төрөл бүрийн хэмжээгээр хийх ба агааржуулах, хөргөх, халаах, чийгшүүлэх төхөөрөмжийн хамт нийлүүлнэ, угсарна.

Сэлбэг материал

Бүх төрлийн хөргөгч, хөлдөөгч, эйр кондиционерийн сэлбэг, материал багаж хэрэгслийн худалдаа.

Компани нь эйр кондиционер , агааржуулалтын тоног төхөөрөмжүүд, хөргөлтийн камер болон тоног төхөөрөмж, сэлбэг материал, багаж хэрэгслээ Швед, Япон, Хятад, АНУ зэрэг улсуудаас нийлүүлдэг ба "SANYO", "МIDEA", фирмийн албан ёсны дистрибютор бөгөөд “DANFOSS", "FRICO", "ТОҮОТОМI" фирмүүдийн бүтээгдэхүүнүүдийг Монголын зах зээлд борлуулах албан ёсны эрхтэй.